1 Ang Ginoo miingon kang Moises ug kang Aaron,
2 “Ipha ang mga anak ni Kohat nga kaliwat ni Levi sumala sa ilang tagsatagsa ka panimalay.
3 Ang ilakip pag-ihap mao kadtong nagpanuigon gikan sa 30 ka tuig ngadto sa 50 ka tuig nga makahimo sa pag-alagad didto sa Tolda nga Tagboanan.
4 Ang buluhaton sa mga anak ni Kohat mao ang pag-atiman sa labing balaang mga butang.
5 “Kon molakaw na ang mga Israelita, mosulod si Aaron ug ang iyang mga anak sa Tolda nga Tagboanan ug tangtangon nila ang tabil niini ug itabon kini sa Sudlanan sa Kasabotan.