24 Gikan sa tribo ni Juda: 6,800 ka mga sundalo nga armado ug bangkaw ug taming.
25 Gikan sa tribo ni Simeon: 7,100 ka maisog nga mga sundalo.
26 Gikan sa tribo ni Levi: 4,600 ka mga sundalo,
27 apil na niini si Jehoyada nga pangulo sa mga kaliwat ni Aaron uban sa iyang 3,700 ka mga tawo,
28 ug si Zadok nga usa ka maisog ug batan-ong sundalo ug ang 22 ka mga opisyal gikan sa iyang pamilya.
29 Gikan sa tribo ni Benjamin nga mga paryente ni Saul: 3,000 ka mga sundalo. Kadaghanan sa mga kaliwat ni Benjamin maunongon kang Saul.
30 Gikan sa tribo ni Efraim: 20,800 ka maisog nga mga sundalo nga inila sa ilang tribo.