5 Gipamatay sa mga Judio ang tanan nilang mga kaaway pinaagi sa espada. Gihimo nila ang tanan nilang gusto sa mga mikontra kanila.
6 Sa siyudad lang sa Susa, 500 ang ilang napatay.
7 Gipatay usab nila si Parshandata, Dalfon, Aspata,
8 Porata, Adalia, Aridata,
9 Parmashta, Arisai, Aridai, ug Vayzata.
10 Sila mao ang napulo ka anak ni Haman nga anak ni Hamedata, ang kaaway sa mga Judio. Apan wala kuhaa sa mga Judio ang mga kabtangan sa ilang mga kaaway.
11 Niana mismong adlawa, gisuginlan ang hari sa gidaghanon sa gipamatay didto sa siyudad sa Susa.