24 Gituman ni Moises ang gitambag kaniya sa iyang ugangan.
25 Nagpili siya gikan sa mga Israelinhon ug mga tawo nga may katakos sa paghukom, ug gihimo niya sila nga mga maghuhukom sa grupo sa mga tawo nga 1,000, 100, 50, ug 10.
26 Nag-alagad sila sa mga tawo ingon nga mga maghuhukom sa tanang panahon. Sila ang nagahusay sa simple nga mga kaso, apan ang lisod nga mga kaso ginadala nila kang Moises.
27 Unya, gipabalik ni Moises ang iyang ugangan ngadto sa iyang kaugalingong nasod.