1 Miingon ang Ginoo kang Moises,
2 “Ingna ang mga Israelinhon nga maghalad sila kanako. Ikaw mao ang modawat sa mga halad nga kinasingkasing nilang ihalad kanako.
3 Mao kini ang mga halad nga imong dawaton gikan kanila: bulawan, plata, bronsi,
4 delana nga kolor ube, asul ug pula, linen, panapton nga hinimo gikan sa balhibo sa kanding,
5 panit sa laking karnero nga gitina ug pula, maayong klase sa panit, kahoyng akasya,
6 lana sa olibo alang sa suga, mga lamas alang sa lana nga pangdihog ug alang sa humot nga insenso,
7 ug bato nga onix ug uban pang mahalong mga bato nga gamiton sa efod ug sa mga bulsa-bulsa sa sapaw sa dughan.