1 Unya, gihinumdoman sa Ginoo si Sara sumala sa iyang gisaad.
2 Namabdos si Sara ug nanganak ug lalaki bisan tigulang na si Abraham. Natawo ang bata sa panahon gayod nga gitakda sa Dios.
3 Ginganlan ni Abraham ang bata ug Isaac.
4 Sa dihang walo na ka adlaw ang bata, gituli siya ni Abraham sumala sa gisugo sa Dios kaniya.
5 Nag-edad si Abraham ug 100 ka tuig sa dihang natawo si Isaac.
6 Miingon si Sara, “Gipakatawa ako sa Dios sa kalipay, ug si bisan kinsa nga makadungog mahitungod niining nahitabo kanako mokatawa usab sama kanako.