44 Mao kini ang gidaghanon sa mga lalaki nga naihap ni Moises ug ni Aaron ug sa 12 ka mga pangulo sa Israel.
45 Ang kada usa kanila nalista sumala sa ilang pamilya. Nag-edad silag 20 ka tuig pataas, nga may katakos sa pagpakiggira.
46 Sa kinatibuk-an, mikabat ug 603,550 ang ilang gidaghanon.
47 Wala iapil niini ang mga kaliwat ni Levi.
48 Kay miingon ang Ginoo kang Moises,
49 “Ayaw iapil ang tribo ni Levi sa pag-ihap uban sa mga Israelinhon.
50 Ihatag kanila ang responsibilidad sa pag-atiman sa Tolda nga Simbahan diin nahimutang ang Kasugoan ug ang tanang mga kagamitan niini. Sila ang modala sa Tolda ug sa tanang kagamitan niini. Kinahanglang atimanon nila ang Tolda ug magkampo sila libot niini.