19 Pait kaayong pamalandongon ang akong pag-antos ug paglatagaw.
20 Kon hunahunaon ko kini kanunay, mawad-an ako ug kadasig.
21 Apan mobalik ang akong paglaom kon mahinumdoman ko nga
22 ang gugma ug kalooy sa Ginoo walay kataposan. Mao kana nga wala kita malaglag sa hingpit.
23 Matinumanon gayod ang Ginoo. Gipakita niya ang iyang kalooy matag adlaw.
24 Miingon ako sa akong kaugalingon, “Ang Ginoo mao ang tanan alang kanako, busa molaom ako kaniya.”
25 Ang Ginoo maayo sa mga nagalaom ug nagadangop kaniya.