26 D Wand von n Mör war neun Waunzn dick, und sein Ramft war wie der von aynn Böcher, wie ayn Ilgnblüe. Daa giengend vierhundertvierzg Schöffl einhin.
27 Dyr Hiram gstöllt zöhen brontzerne Wägln her, wo zwo Elln lang warnd, zwo brait und ainaynhalb hooh.
28 Die Wägln gmacht yr yso: Zwischn de Öggleistnen hietnd s Zwerchleistnen.
29 Daa drauf warnd Bilder von Leebn, Rinder und Kerebn, und auf de Öggleistnen netty yso. Über und unter dene Vicher warnd Kranzgwinder einghammert.
30 Ayn ieds Wägl hiet vier brontzerne Rädl und Äxn. Aufhinbaut war ayn Kössl, der wo von anhingossne Träger unt gstützt wurd.
31 Dyr Ramen, wo dyr Kössl drinn war, war ayn dreuviertlte Elln hooh. Aau eyn seiner Öffnung dran warnd Verzierungen. De Zwerchleistnen warnd nit rund, sundern vierögget.
32 De vier Rädl warnd unter de Zwerchleistnen. Aufghöngt warnd s eyn n Gstöll dran. Ayn ieds Rädl war ayn dreuviertlte Elln grooß.