32 Beren idoloei kendutako arropaz janzten dituzte apaizek emazte eta seme-alabak.
33 Mesede edo kalte eginda ere, idoloek ezin ordainik eman. Ez dute ahalmenik norbait errege egiteko, ezta kentzeko ere.
34 Era berean, ezin eman inori aberastasunik, ez dirurik. Norbaitek zin egindakoa betetzen ez badu ere, ezin diote konturik eskatu.
35 Ezin dute inor heriotzatik libratu, ezta gizagaixorik ere ahaltsuaren atzaparretatik.
36 Ezin diote itsuari ikusmena eman, ezta inor estuasunetik atera ere.
37 Ez dute alargunaren errukirik eta ez diote laguntzen umezurtzari.
38 Urrez eta zilarrez estaliriko egur-puska horiek menditik ateratako harrien antzeko dira; horien gurtzaileak lotsaturik gertatuko dira.