30 Upémarõ Elías he'i opavavépe:—Peñemboja ko'a gotyo.Opavave oñemboja ha ha'e omopu'ã Ñandejára altar,*f** oĩva yvýre.
31 Oiporavo 12 ita, umi Jacob ra'y, Ñandejárape he'i vaekue herataha Israel rérape,
32 ha heseve omopu'ã altar Ñandejárape oyvyjo'o pe altar jerekuévo ija haguãicha pype 20 kílo rupi mba'e ra'ỹi,
33 ha omoĩ rire hi'ári jepe'a, oipehe'ã pe tóro ra'y ha omoĩ hi'ári.
34 Upéi he'i:—Pemyenyhẽ 4 kambuchi y ha pehekuavo pe mymbahapy*f** ha jepe'a ári.Upéva ojapouka mbohapy jey, ha upéicha ojapo hikuái.
35 Pe y osyry altar jerekuévo ha omyenyhẽmba pe yvykua.
36 Pe mymbahapy hórape maranduhára Elías oñemboja ha osapukái: “Tupã Abraham, Isaac ha Israel Jára; eikuaauka ko árape ndeha Tupã Israel Ruvicha ha che ne rembiguái, ha ajapoha ko'ã mba'e nde ere haguére chéve!