7 Ne porã ha nde juky etépa,che rembiayhu!Hi'ãitéma rohavi'u!
8 Nde rete ojogua pindópe,hi'a apesãme nde pyti'a.
9 Che ha'éva:‘Ajupíta pe pindóreha aipo'o hi'a’.Tovéna nde pyti'ata parral apesãicha,ha nde pytuku yva ryakuã porãicha,
10 ha nde juru kaguy re'ẽicha,osyry mbegue katúvane mborayhúpe guarã,ne rembégui ha ne rãigui.
11 Che, che rembiayhúpe guarã,ha'e chévente che pota.
12 Eju, che rembiayhu,jaha pe okáre!Pyharekue, umi ojeikohárejahasáne oñondive.
13 Ko'ẽjúvo jaháne parraltýrejahecha haguã hokýmapa,ojepe'ámapa yvoty,ha ipotypáma granáda.Upépe ame'ẽne ndéveche mborayhu!