29 Upérõ Moisés he'i chupe kuéra:—Ko árape oñeme'ẽ peẽme pene rembiapokue repy ramo pa'i reko, napembyasýi haguére pene génte tee térã pende ra'y kuérape Tupã rehehápe. Upévare ha'e pende rovasa.
30 Upe ára ambuépe Moisés he'i Israel guápe—Ivai eterei pene angaipa. Ajupíta ko'ágã Ñandejára rendápe, jahecha ndoheja reíripa peẽme.
31 Moisés oho jey Ñandejára rendápe ha he'i chupe:—Angaipa nde vaipa jepéva niko upe ojapóva Israelgua omomba'e guasúvo tupã gua'u óro guigua
32 Ajerure ndéve reheja rei haguã chupe kuéra. Nderejaposéi ramo katu eipe'a che réra nde líbrogui.
33 Tupã he'i Moiséspe:—Iñangaipáva réra aipe'áta che kuatiágui.
34 Nde katu tereho eraha chupe kuéra ha'e haguépe ndéve. Che remimbou*f** ohóta ne renonderã, ha che ainupãta chupe kuéra hi'árape iñangaipáre.
35 Ñandejára oinupã chupe kuéra upe tóro ra'y Aarón ojapo vaekuére.