31 Umi ou vaekue María rógape oñandu haguã chupe, ohecha ha'e pya'e opu'ãha ha osẽha hógagui. Ha'e kuéra oho meme avei hapykuéri, oimo'ãgui María ohoha ojahe'o Lázaro retekue oĩháme.
32 María oguahẽvo Jesús rendápe, oñesũ henondépe ha he'i chupe:--Che Jára, reime rire ko'ápe, che kyvy nomanói vaerã mo'ã.
33 Opoko Jesús py'áre ohechávo mba'éichapa María ojahe'o ha umi hendive ou vaekue. Ha tuicha oguapy hese upéva.
34 Oporandu chupe kuéra:--Moõ piko pemoĩ ra'e hetekue?He'i hikuái chupe:--Eju ehecha, ore Jára.
35 Upévo Jesús hasẽ.
36 Ha umi upépe oĩ vaekue he'i:--Pehecha piko mba'éichapa ohayhu ra'e chupe?
37 Oĩ katu he'íva:--Ha'e niko omonguera vaekue ohecha'ỹvape. Ndaikatúi chéne nga'u piko ojapo ra'e mba'eve ani haguã Lázaro omano?