9 Oĩ he'íva.--Hẽe. Péva ha'e.Oĩ katu he'íva:--Nahániri, ndaha'éi. Ijoguahánte upéva.Pe kuimba'e, ha'ete voi katu he'i:--Che hína upéva.
10 Upépe oporandu chupe hikuái:--Ha mba'éicha rupi piko ko'ágã rehecha?
11 Ha he'i chupe kuéra:--Ku kuimba'e hérava Jesús ojapo tuju ha omona rire che resáre he'i chéve: ‘Tereho Siloé y no'õme ha ejovahéi.’ Aha upépe ha ajovaheipa rire, ahecha.
12 Oporandu chupe hikuái:--Moõ piko oime pe kuimba'e?Ha'e he'i chupe kuéra:--Ndaikuaái.
13 Ha ogueraha hikuái pe ohecha'ỹ vaekuépe fariséo rendápe.
14 Pytu'uha árape niko Jesús ojapo pe tuju ha upéi omonguera chupe.
15 Umi fariséo háma oporandu chupe mba'éichapa ou ohecha. Ha ha'e he'i chupe kuéra:--Omona tuju che resáre, upéi ajovahéi ha ko'ágã ahecha.