15 Ha Herodes upéicha avei, upévare ombou jey ñandéve. Pehecháma, ndojapói niko mba'eve ikatu haguã ojejuka.
16 Ainupãukáta ha upéi ahejáta oho.
17 Páskua arete jave niko, Pilato opoi vaerãva peteĩ yvyrakuápe oĩvagui, oguerohorývo Jerusalén guápe.
18 Upépe oñepyrũ osapukaipa hikuái:--Ndaipóri upéva. Epoi oréve Barrabásgui!
19 Barrabás oñemoinge ra'e yvyrakuápe peteĩ ñepu'ãnguére upe távape, ha oporojuka haguére.
20 Pilato, opoiségui Jesúsgui, oñe'ẽ jey chupe kuéra.
21 Ha'e kuéra katu osapukái hatãve:--Emosãingo kurusúre! Emosãingo kurusúre!