25 Ha ha'e peẽme nda'u mo'ã veimaha ko kaguy, oguahẽ peve upe ára ha'u jeývo kaguy Tupã oisãmbyhyhápe.
26 Opuraheipa rire hikuái, oho Yvyty Olivotýpe.
27 Jesús he'i chupe kuéra:—Opavave peẽ che rejapa reíta ko pyharépe. Kóicha niko he'i Ñandejára Ñe'ẽme: “Ajukáta pe ovecha rerekuápe, ha umi ovecha isarambipa reíta.”
28 Aikove jeývo katu pombyaty jeýta Galiléape.
29 Pedro he'i chupe:—Jepe opavave nde reja rei, che ndoroheja rei mo'ãi.
30 Jesús he'i chupe:—Añetehápe ha'e ndéve, ko pyharépe voi, gállo osapukái mboyve, nde eréta mbohapy jey nda che kuaaiha.
31 Pedro katu he'i chupe:—Amano vaerã ramo jepe ne ndive, nda'éi chéne ndoroikuaaiha.Ha opavave he'i avei upéicha.