25 Omosẽmba rire opavavépe, Jesús oike pe mitãkuña oĩháme. Ipojái ipóre ha upévo pe mitãkuña opu'ã.
26 Ha opa upe jerekuévo herakuã pe ojehu vaekue.
27 Jesús osẽvo upégui oho haguã, osẽ hapykuéri mokõi ohecha'ỹva, osapukáiva chupe:—Ore poriahurerekomína, nde David ra'y!
28 Ha oike rire Jesús hógape, oguahẽ hendápe umi ohecha'ỹva. Ha Jesús oporandu chupe kuéra:—Peroviápa che ikatuha pomonguera?Ha'e kuéra he'i chupe:—Roguerovia, ore Jára.
29 Upévo Jesús opoko umi hesáre, ha he'i:—Toiko upe peẽ perovia haguéicha.
30 Ha okuera umi hesa ha ohecha porã jey. Jesús he'i jey-jey chupe kuéra:—Aníke avave oikuaa kóva.
31 Ha'e kuéra katu, osẽmi vovénte upégui, opa rupi omoherakuã upe Jesús ojapo vaekue hese kuéra.