26 Amma Urushalima ta sama, ai 'ya ce, ita ce kuma uwarmu.
27 Domin a rubuce yake cewa,“ki yi farin ciki, ya ke bakarariya da ba kya haihuwa,Ki ɗauki sowa, ke da ba kya naƙuda,Don yasasshiya ta fi mai miji yawan 'ya'ya.”
28 To, 'yan'uwa, mu ma 'ya'yan alkawari ne kamar Ishaku.
29 Kamar yadda dā, shi da aka haifa bisa ga ɗabi'a ya tsananta wa wanda aka haifa bisa ga ikon Ruhun, haka a yanzu ma yake.
30 Amma me Nassin ya ce? “Ka kori kuyangar da ɗanta, don ko kaɗan ɗan kuyangar ba zai ci gādo tare da ɗan 'ya ba.”
31 Saboda haka 'yan'uwa, mu ba 'ya'yan kuyanga ba ne, na 'ya ne.