Ad Philemonem

¹  Paulus vinctus Christi Jesu, et Timotheus frater, Philemoni dilecto, et adjutori nostro, ²  et Appiæ sorori carissimæ, et Archippo commilitoni nostro, et ecclesiæ, quæ in domo tua est. ³  Gratia vobis, et pax a Deo Patre nostro, et Domino Jesu Christo. ⁴  Gratias ago Deo meo, semper memoriam tui faciens in orationibus meis, ⁵  audiens caritatem tuam, et fidem, quam habes in Domino Jesu, et in omnes sanctos : ⁶  ut communicatio fidei tuæ evidens fiat in agnitione omnis operis boni, quod est in vobis in Christo Jesu.