3 Super hoc filiis vestris narrate,et filii vestri filiis suis,et filii eorum generationi alteræ.
4 Residuum erucæ comedit locusta,et residuum locustæ comedit bruchus,et residuum bruchi comedit rubigo.
5 Expergiscimini, ebrii,et flete et ululate, omnes qui bibitis vinum in dulcedine,quoniam periit ab ore vestro.
6 Gens enim ascendit super terram meam,fortis et innumerabilis :dentes ejus ut dentes leonis,et molares ejus ut catuli leonis.
7 Posuit vineam meam in desertum,et ficum meam decorticavit ;nudans spoliavit eam, et projecit :albi facti sunt rami ejus.
8 Plange quasi virgo accincta sacco super virum pubertatis suæ.
9 Periit sacrificium et libatio de domo Domini ;luxerunt sacerdotes, ministri Domini.