10 In bonis justorum exsultabit civitas,et in perditione impiorum erit laudatio.
11 Benedictione justorum exaltabitur civitas,et ore impiorum subvertetur.
12 Qui despicit amicum suum indigens corde est ;vir autem prudens tacebit.
13 Qui ambulat fraudulenter, revelat arcana ;qui autem fidelis est animi, celat amici commissum.
14 Ubi non est gubernator, populus corruet ;salus autem, ubi multa consilia.
15 Affligetur malo qui fidem facit pro extraneo ;qui autem cavet laqueos securus erit.
16 Mulier gratiosa inveniet gloriam,et robusti habebunt divitias.