25 Liberat animas testis fidelis,et profert mendacia versipellis.
26 In timore Domini fiducia fortitudinis,et filiis ejus erit spes.
27 Timor Domini fons vitæ,ut declinent a ruina mortis.
28 In multitudine populi dignitas regis,et in paucitate plebis ignominia principis.
29 Qui patiens est multa gubernatur prudentia ;qui autem impatiens est exaltat stultitiam suam.
30 Vita carnium sanitas cordis ;putredo ossium invidia.
31 Qui calumniatur egentem exprobrat factori ejus ;honorat autem eum qui miseretur pauperis.