15 Leo rugiens et ursus esuriens,princeps impius super populum pauperem.
16 Dux indigens prudentia multos opprimet per calumniam ;qui autem odit avaritiam, longi fient dies ejus.
17 Hominem qui calumniatur animæ sanguinem,si usque ad lacum fugerit, nemo sustinet.
18 Qui ambulat simpliciter salvus erit ;qui perversis graditur viis concidet semel.
19 Qui operatur terram suam satiabitur panibus ;qui autem sectatur otium replebitur egestate.
20 Vir fidelis multum laudabitur ;qui autem festinat ditari non erit innocens.
21 Qui cognoscit in judicio faciem non bene facit ;iste et pro buccella panis deserit veritatem.