21 Зашто, како што Таткото ги подига мртвите и ги оживува, исто така и Синот оживува кого сака.
22 Зашто Таткото не суди никого, туку сето право да суди Му Го предаде на Синот,
23 за сите да Го почитуваат Синот, исто како што Го почитуваат Таткото. Оној што не Го почитува Синот, не Го почитува ни Таткото, Кој Го испрати.
24 Ве уверувам дека секој што ја слуша Мојата порака и верува во Бога, Кој Ме испрати, има вечен живот и нема да биде осуден за своите гревови, зашто таквиот веќе преминал од смрт во живот.
25 Ве уверувам дека доаѓа време, и веќе е дојдено, кога мртвите ќе го слушнат Мојот глас - гласот на Божјиот Син. Оние што Му биле послушни - ќе живеат!
26 Зашто, како што Таткото е извор на живот, така Му даде и на Синот да биде извор на живот.
27 Тој Му даде на Синот и право да суди, затоа што Тој е Синот Човечки.