5. Mosebok

¹¹Også dei blir rekna som refaittar, til liks med anakittane, men moabittane kallar dei emittar. ¹²Før i tida budde det horittar i Se'ir. Men Esaus etterkomarar dreiv dei bort. Dei utrydda dei og busette seg der i staden for dei, på same måten som israelittane gjorde i sitt land, det Herren gav dei til eige. ¹³ «Bryt no opp og gå over Sered-bekken!» Og vi gjekk over Sered-bekken. ¹⁴ Tida for ferda vår frå Kadesj-Barnea til overgangen over Sered-bekken var trettiåtte år. Då hadde ein heil generasjon av krigarar i leiren døydd ut, slik Herren hadde svore. ¹⁵Herren hadde vendt handa si mot dei, og han utrydda dei frå leiren, til siste mann. ¹⁶Då alle krigarane i folket var døde, ¹⁷sa Herren til meg: