5. Mosebok

²⁹slik Esau-sønene som bur i Se'ir, og moabittane i Ar gav meg lov til, til eg kan gå over Jordan og inn i det landet Herren vår Gud vil gje oss.» ³⁰Men Sihon, kongen i Hesjbon, ville ikkje la oss dra gjennom landet sitt. For Herren vår Gud hadde gjort han stivsinna og hardhjarta for å gje han over i dine hender, slik som han no har gjort. ³¹Og Herren sa til meg: «Sjå, no har eg teke til å gje Sihon og landet hans over til deg. Gå i gang og ta landet i eige. Legg det under deg!» ³² Sihon kom til Jahas med heile hæren sin og ville møta oss til strid. ³³Herren vår Gud gav han i vårt vald, og vi vann over både han og sønene hans og heile hæren. ³⁴ Samstundes tok vi alle byane hans, slo kvar by med bann og utrydda alle, både menn, kvinner og born. Ikkje éin lét vi overleva. ³⁵Berre buskapen tok vi med oss, og hærfanget i dei byane vi hadde teke.