5. Mosebok

⁴ Når de kjem over Jordan, skal de på Ebal-fjellet reisa desse steinane slik eg byd dykk i dag, og du skal stryka kalk på dei. ⁵ Der skal du byggja eit altar for Herren din Gud, eit altar av stein. Bruk ikkje meisel på dei! ⁶Altaret for Herren din Gud skal du byggja av steinar som ikkje er hogne til. På det skal du bera fram brennoffer for Herren din Gud. ⁷Så skal du ofra fredsoffer og eta der og gleda deg for Herren din Guds andlet. ⁸Og på steinane skal du klårt og greitt skriva alle orda i denne lova. ⁹Moses og levittprestane tala til heile Israel: «Ver stille! Høyr, Israel! Denne dagen har du vorte Herren din Guds folk. ¹⁰Ver lydig mot Herren din Gud og hald boda og forskriftene hans som eg gjev deg i dag.»