5. Mosebok

⁴²Alle trea dine og grøda på jorda di skal grashoppene ta. ⁴³Innflyttaren som bur hos deg, skal koma høgare og høgare over deg, men du skal koma lågare og lågare. ⁴⁴Han skal låna ut til deg, men du har ingen ting å låna han. Han skal bli hovud og du hale. ⁴⁵Alle desse forbanningane skal koma over deg. Dei skal forfølgja deg og nå deg att til du blir utrydda, fordi du ikkje lydde Herren din Gud og ikkje heldt dei boda og forskriftene som han har gjeve deg. ⁴⁶Dei skal vera teikn og varsel for deg og etterkomarane dine til alle tider. ⁴⁷Fordi du ikkje tente Herren din Gud av eit godt hjarte, i glede over all di overflod, ⁴⁸må du tena fiendane som Herren sender mot deg, og vera svolten, tørst og naken og mangla alt. Han skal leggja eit jernåk på nakken din, heilt til han har rydda deg ut.