28 De er dei som har halde ut hos meg i prøvingane mine.
29 Og no overlèt eg riket til dykk, slik som Far min har overlate det til meg:
30 De skal eta og drikka ved mitt bord i mitt rike og sitja på troner og dømma dei tolv Israel-stammane.
31 Simon, Simon! Satan kravde å få sikta dykk som kveite.
32 Men eg bad for deg at trua di ikkje måtte svikta. Og når du ein gong vender om, så styrk brørne dine!»
33 «Herre», sa Peter, «med deg er eg klar til å gå både i fengsel og i død.»
34 Men Jesus svara: «Eg seier deg, Peter: Hanen skal ikkje gala i natt før du tre gonger har nekta at du kjenner meg.»