38 Ведомо убо да будет вам, мужие братие, яко его ради вам оставление грехов проповедается:
39 и от всех, от нихже не возмогосте в законе моисеове оправдитися, о сем всяк веруяй оправдается.
40 Блюдите убо, да не приидет на вас реченное во пророцех:
41 видите, нерадивии, и чудитеся, и узрите и исчезнете: яко дело аз соделаю во дни вашя, емуже не имате веровати, аще кто повесть вам.
42 Исходящым же им от сонмища иудейска, моляху языцы в другую субботу глаголатися им глаголом сим:
43 разшедшуся же собору, последоваша мнози от иудей и честивых пришлец павлу и варнаве, иже, глаголюща им, увещаста их пребывати в благодати Божией.
44 Во грядущую же субботу мало не весь град собрася послушати слова Божия: