39 видите руце мои и нозе мои, яко сам аз есмь: осяжите мя и видите: яко дух плоти и кости не имать, якоже мене видите имуща.
40 И сие рек, показа им руце и нозе.
41 Еще же неверующым им от радости и чудящымся, рече им: имате ли что снедно зде?
42 Они же даша ему рыбы печены часть и от пчел сот.
43 И взем пред ними яде,
44 рече же им: сия суть словеса, яже глаголах к вам еще сый с вами, яко подобает скончатися всем написанным в законе моисеове и пророцех и псалмех о мне.
45 Тогда отверзе им ум разумети писания