6 Бе же иоанн оболчен власы велблужди, и пояс усмен о чреслех его, и ядый акриды и мед дивий.
7 И проповедаше, глаголя: грядет креплий мене вслед мене, емуже несмь достоин преклонься разрешити ремень сапог его:
8 аз убо крестих вы водою: той же крестит вы Духом святым.
9 И бысть во онех днех, прииде Иисус от назарета галилейскаго и крестися от иоанна во иордане.
10 И абие восходя от воды, виде разводящася небеса и Духа яко голубя, сходяща нань.
11 И глас бысть с небесе: ты еси Сын мой возлюбленный, о немже благоволих.
12 И абие Дух изведе его в пустыню.