21 и вторый поят ю и умре, и ни той остави семене: и третий такожде:
22 и пояша ю седмь и не оставиша семене: последи же всех умре и жена.
23 В воскресение убо, егда воскреснут, которому их будет жена: седмь бо имеша ю жену.
24 И отвещав Иисус рече им: не сего ли ради прельщаетеся, не ведуще писания, ни силы Божия?
25 егда бо из мертвых воскреснут, ни женятся, ни посягают, но суть яко ангели на небесех:
26 о мертвых же, яко востают, несте ли чли в книгах моисеовых, при купине яко рече ему Бог, глаголя: аз Бог авраамов и Бог исааков и Бог иаковль?
27 несть Бог мертвых, но Бог живых: вы убо много прельщаетеся.