23 И призвав их, в притчах глаголаше им: како может сатана сатану изгонити?
24 И аще царство на ся разделится, не может стати царство то:
25 и аще дом на ся разделится, не может стати дом той:
26 и аще сатана воста на ся сам и разделися, не может стати, но конец имать.
27 Никтоже может сосуды крепкаго, вшед в дом его, расхитити, аще не первее крепкаго свяжет: и тогда дом его расхитит.
28 Аминь глаголю вам, яко вся отпустятся согрешения сыном человеческим, и хуления, елика аще восхулят:
29 а иже восхулит на Духа святаго, не имать отпущения во веки, но повинен есть вечному суду.