5 И воззрев на них со гневом, скорбя о окаменении сердец их, глагола человеку: простри руку твою. И простре: и утвердися рука его цела яко другая.
6 И изшедше фарисее, абие со иродианы совет творяху нань, како его погубят.
7 Иисус же отиде со ученики своими к морю: и мног народ от галилеи по нем иде, и от иудеи,
8 и от Иерусалима, и от идумеи, и со онаго полу иордана. И от тира и сидона множество многое, слышавше, елика творяше, (и) приидоша к нему.
9 И рече учеником своим, да корабль будет у него народа ради, да не стужают ему.
10 Многи бо изцели, якоже нападати на него, да ему прикоснутся, елицы имеяху раны.
11 И дуси нечистии, егда видяху его, припадаху к нему и зваху, глаголюще, яко ты еси Сын Божий.