23 Он же не отвеща ей словесе. И приступльше ученицы его, моляху его, глаголюще: отпусти ю, яко вопиет вслед нас.
24 Он же отвещав рече: несмь послан, токмо ко овцам погибшым дому израилева.
25 Она же пришедши поклонися ему, глаголющи: Господи, помози ми.
26 Он же отвещав рече: несть добро отяти хлеба чадом и поврещи псом.
27 Она же рече: ей, Господи: ибо и пси ядят от крупиц падающих от трапезы господей своих.
28 Тогда отвещав Иисус рече ей: о, жено, велия вера твоя: буди тебе якоже хощеши. И изцеле дщи ея от того часа.
29 И прешед оттуду Иисус, прииде на море галилейское, и возшед на гору, седе ту.