11 хлеб наш насущный даждь нам днесь:
12 и остави нам долги нашя, яко и мы оставляем должником нашым:
13 и не введи нас в напасть, но избави нас от лукаваго: яко твое есть Царствие и сила и слава во веки. Аминь.
14 Аще бо отпущаете человеком согрешения их, отпустит и вам Отец ваш небесный:
15 аще ли не отпущаете человеком согрешения их, ни Отец ваш отпустит вам согрешений ваших.
16 Егда же поститеся, не будите якоже лицемери сетующе: помрачают бо лица своя, яко да явятся человеком постящеся. Аминь глаголю вам, яко восприемлют мзду свою.
17 Ты же постяся помажи главу твою, и лице твое умый,