4 яко да будет милостыня твоя в тайне: и Отец твой, видяй в тайне, той воздаст тебе яве.
5 И егда молишися, не буди якоже лицемери, яко любят в сонмищих и в стогнах путий стояще молитися, яко да явятся человеком. Аминь глаголю вам, яко восприемлют мзду свою.
6 Ты же, егда молишися, вниди в клеть твою, и затворив двери твоя, помолися Отцу твоему, иже в тайне: и Отец твой, видяй в тайне, воздаст тебе яве.
7 Молящеся же не лишше глаголите, якоже язычницы: мнят бо, яко во многоглаголании своем услышани будут:
8 не подобитеся убо им: весть бо Отец ваш, ихже требуете, прежде прошения вашего.
9 Сице убо молитеся вы: Отче наш, иже еси на небесех, да святится имя твое:
10 да приидет Царствие твое: да будет воля твоя, яко на небеси, и на земли: