1 Не хощу же вас не ведети, братие, яко отцы наши вси под облаком быша, и вси сквозе море проидоша:
2 и вси в моисеа крестишася во облаце и в мори:
3 и вси тожде брашно духовное ядоша:
4 и вси тожде пиво духовное пиша, пияху бо от духовнаго последующаго камене: камень же бе Христос.
5 Но не во множайших их благоволи Бог, поражени бо быша в пустыни.
6 Сия же образи нам быша, яко не быти нам похотником злых, якоже и они похотеша.
7 Ни идолослужителе бывайте, якоже нецыи от них, якоже есть писано: седоша людие ясти и пити, и восташа играти.