17 Молю же вы, братие, блюдитеся от творящих распри и раздоры, кроме учения, емуже вы научистеся, и уклонитеся от них:
18 таковии бо Господеви нашему Иисусу Христу не работают, но своему чреву: иже благими словесы и благословением прельщают сердца незлобивых.
19 Ваше бо послушание ко всем достиже. Радуюся же еже о вас. хощу же вас мудрых убо быти во благое, простых же в злое.
20 Бог же мира да сокрушит сатану под ноги вашя вскоре. Благодать Господа нашего Иисуса Христа с вами. Аминь.
21 Целует вас тимофей споспешник мой, и лукий и иасон и сосипатр, сродницы мои.
22 Целую вы и аз тертий, написавый послание сие, о Господе.
23 Целует вы гаие странноприимец мой и Церкве всея. Целует вы ераст строитель градский, и куарт брат.