14 Аще бо сущии от закона наследницы, испразднися вера, и разорися обетование:
15 закон бо гнев соделовает: идеже бо несть закона, (ту) ни преступления.
16 Сего ради от веры, да по благодати, во еже быти известну обетованию всему семени, не точию сущему от закона, но и сущему от веры авраамовы, иже есть отец всем нам,
17 якоже есть писано: яко отца многим языком положих тя, прямо Богу, емуже верова, животворящему мертвыя и нарицающу не сущая яко сущая.
18 Иже паче упования во упование верова, во еже быти ему отцу многим языком, по реченному: тако будет семя твое.
19 И не изнемог верою, ни усмотри своея плоти уже умерщвленныя, столетен негде сый, и мертвости ложесн сарриных:
20 во обетовании же Божии не усумнеся неверованием, но возможе верою, дав славу Богови