1 Ты убо, чадо мое, возмогай во благодати, яже о Христе Иисусе,
2 и яже слышал еси от мене многими свидетели, сия предаждь верным человеком, иже доволни будут и иных научити.
3 Ты убо злопостражди яко добр воин Иисус Христов.
4 Никтоже (бо) воин бывая обязуется куплями житейскими, да воеводе угоден будет.
5 Аще же и постраждет кто, не венчается, аще не законно мучен будет.
6 Труждающемуся делателю прежде подобает от плода вкусити.