1 O le mea sa ai talu le amataga, na matou fa‘alogologo i ai, na matou va‘ava‘ai atu i ai o matou mata, na matou matamata ai, na tagotago fo‘i o matou lima i le ‘Upu o le ola.
2 Na fa‘aalia mai fo‘i le ola, na matou va‘ai atu, matou te molimau fo‘i i ai, ma ‘ua matou ta‘u atu ‘iā te ‘outou le ola e fa‘avavau, o lenā sa i le Tamā, a ‘ua fa‘aalia mai ‘iā te i matou.
3 O le mea na matou va‘ava‘ai i ai ma fa‘alogologo i ai, matou te ta‘u atu ai ‘iā te ‘outou, ‘ina ‘ia ‘outou mafuta fa‘atasi ma i matou; o lo‘o matou mafuta fa‘atasi fo‘i o i le Tamā lea ‘atoa ma lona Alo o Iesu Keriso.
4 Matou te tusi atu fo‘i nei mea ‘iā te ‘outou ‘ina ‘ia ‘ato‘atoa ai lo ‘outou ‘oli‘oli.