1 Maifea tau‘a ma misa o ‘ia te ‘outou? E lē o lenei ‘ea, mai o ‘outou mana‘o leaga o lo‘o tau i o ‘outou tino uma?
2 ‘Ua ‘outou tu‘inanau, ‘ae le‘i maua; o lea ‘ua ‘outou fasioti. ‘Ua ‘outou losilosi, ‘ae tou te lē mafai ‘ona maua; o lea ‘ua ‘outou femisa‘i ma fai tau‘a. E le‘i maua, e ‘outou auā ‘ua ‘outou lē ole atu.
3 ‘Ua ‘outou ole atu, ‘ae le‘i maua, auā ‘ua ole atu ma le fa‘alētatau, ‘ina ‘ia fa‘auma ai ia mea i o ‘outou mana‘o leaga.
4 O ‘outou tagata mulilulua e, tou te lē iloa ‘ea o lē fefa‘auōa‘i ma le lalolagi o le ita lea i le Atua? O lenei, o sē fia uō ma le lalolagi, ‘ua ‘avea o ia ma ita i le Atua.