2 Panzvimbo dzakakwirira panzira, pamharadzano dzenzira, ndipo pahumire;
3 parutivi rwamasuo okupinda muguta, pamikova, hunodanidzirisa huchiti,
4 “Kwamuri, imi varume, ndinodanidzira; ndinosimudzira inzwi rangu kuvanhu vose.
5 Imi vasina mano, wanai uchenjeri; imi mapenzi, wanai kunzwisisa.
6 Teererai, nokuti ndine zvinhu zvinokosha zvokutaura; ndinozarura muromo wangu kuti nditaure zvakarurama.
7 Muromo wangu unotaura zvokwadi, nokuti miromo yangu inovenga zvakaipa.
8 Mashoko ose omuromo wangu akarurama; hapana kana rimwe rakakombama kana rakaipa.