6 sepse në Jezu Krishtin, as rrethprerja, as parrethprerja s'kanë ndonjë vlerë, por besimi që vepron me anë dashurie.
7 Ju vraponit bukur; kush ju ka penguar që të mos i bindeni së vërtetës?
8 Kjo bindje nuk vjen nga ai që ju thërret.
9 Pak maja e bën të vijë gjithë brumin.
10 Kam besim te Perëndia për ju, se nuk do të mendoni ndryshe; por ai që ju turbullon juve, kushdo qoftë, do të marrë dënimin.
11 Sa për mua, o vëllezër, në qoftë se unë vazhdoj të predikoj rrethprerjen, përse më përndjekin akoma? Atëherë skandali i kryqit ra poshtë.
12 Oh, sikur ata që ju turbullojnë, të gjymtoheshin vetë!