46 Rojet u përgjigjen: ''Asnjeri nuk ka folur kurrë si ai njeri''.
47 Prandaj farisenjtë iu përgjigjën atyre: ''Mos u gënjyet edhe ju?
48 Mos vallë ndonjë nga krerët ose nga farisenjtë besoi në të?
49 Por kjo turmë, që nuk e njeh ligjin, është e mallkuar''.
50 Nikodemi, një prej tyre, i cili natën kishte shkuar te Jezusi, u tha atyre:
51 ''Ligji ynë dënon vallë një njeri para se ta ketë dëgjuar dhe ta dijë ç'ka bërë ai?''.
52 Ata u përgjigjën dhe i thanë: ''Mos je edhe ti nga Galileja? Hulumto Shkrimet dhe do të shohësh se nga Galileja s'ka dalë kurrë profet''.