66 Dhe, kur u bë ditë, u mblodhën pleqtë e popullit, kryepriftërinjtë dhe skribët dhe e çuan në sinedrin e tyre, duke thënë:
67 ''Në se ti je Krishti, na e thuaj''. Por ai u tha atyre: ''Edhe sikur t'jua thosha, nuk do ta besonit.
68 Edhe sikur t'ju pyesja, ju nuk do të më përgjigjeshit dhe as nuk do të më linit të shkoja.
69 Por tash e tutje Biri i njeriut do të ulet në të djathtën e fuqisë së Perëndisë''.
70 Atëherë të gjithë thanë: ''Je ti, pra, Biri i Perëndisë?''. Dhe ai u tha atyre: ''Ju thoni se unë jam''.
71 Atëherë ata thanë: ''Ç'nevojë kemi më për dëshmi? Ne vetë e dëgjuam nga goja e tij''.