4 Në fakt Mardokeu ishte i madh në pallatin e mbretit, dhe fama e tij përhapej në të gjitha krahinat, sepse ky njeri, Mardokeu, bëhej gjithnjë më i madh.
5 Kështu judenjtë goditën tërë armiqtë e tyre, duke i kaluar në tehun e shpatës dhe duke kryer një kërdi dhe një shkatërrim të madh; u sollën si deshën me armiqtë e tyre.
6 Në qytetin e Suzas judenjtë vranë dhe shfarosën pesëqind njerëz;
7 vranë edhe Parshandathan, Dalfonin, Aspathan,
8 Porathan, Adalian, Aridathan,
9 Parmashtan, Arisain, Aridain dhe Vajezathan,
10 dhjetë bijtë e Hamanit, birit të Hamedathas, armiku i judenjve, por nuk u dhanë pas plaçkitjes.